إيه هو برنامج مثلث زمبليطة؟
إنتِ ست بتقضي معظم وقتك في البيت، بين مسؤولياته وطلبات كل اللي حواليكي.
يمكن يومك كله بيعدي وإنتِ بتعملي حاجات كتير... بس قليل منها ليكي إنتِ.
ويمكن وإنتِ واقفة قدام المراية في يوم عادي...
بصيتي لنفسك وحسيتي فجأة:
«أنا إمتى كبرت كده؟»
وشك اتغير شوية...
جسمك اتغير...
وزنك زاد...
والهدوم اللي كنتِ بتحبيها، يا إما مبقتش تقفل، يا إما بتقفل بس مبقتيش حابة شكلك فيها.
تفتحي الدولاب...
تجربي حاجة ورا حاجة...
وفي الآخر تلبسي نفس الحاجة الواسعة اللي بقيتي مرتاحة تستخبي فيها.
ويمكن تبصي لنفسك في المراية وتقولي:
«خلاص... هو ده السن بقى.»
كم مرة حاولتي تخسي بكل الطرق الممكنة، وحسيتي إنه طريق مسدود... فاستسلمتي ورجعتيها للسن؟
وكم مرة اتعرض عليكي تلعبي رياضة ورفضتي وقلتي:
«خلاص بقى... هو أنا لسه هلعب رياضة وأنا في السن ده؟ ده أنا بالعافية قادرة أتحرك من مكاني.»
وكم مرة تعرضتي لضغط أو صدمات في حياتك، كبيرة أو صغيرة... ومن وقتها حسيتي إن صحتك في النازل ووزنك في الطالع مهما حاولتي؟
أنا مريت بكل ده... عشان كده حاسة بيكي أوي.
حلمي ابتدى لما شفت في عيلتي قد إيه المرض ممكن يغير حياة إنسان... وحياة الناس اللي حواليه واللي بيحبوه.
بقيت مؤمنة إن أفضل حاجة نقدر نعملها لنفسنا هي إننا نهتم بصحتنا قبل ما نفقدها.
وحلمي إن كل ست تدرك إن الاهتمام بصحتها مش رفاهية...
ومش حاجة نستناها لحد ما نمرض أو جسمنا يجبرنا نهتم بيه.
دي أعظم هدية ممكن تقدميها لنفسك، وللناس اللي بيحبوكي، وللسنين الجميلة اللي لسه جاية من عمرك.
الصحة والسعادة ليهم 3 أضلاع
في حاجة مهمة جدًا اتعلمتها في رحلتي...
إن صحتنا مش وزن وأكل وبس، ولا رياضة وبس.
صحتنا وسعادتنا ليهم 3 أضلاع، ومينفعش نفصلهم عن بعض، لأنهم ببساطة مرتبطين ببعض.
ومن هنا جت فكرة مثلث زمبليطة فيت للصحة والسعادة:
حركة ممتعة... يعني أستنى الوقت اللي هلعب فيه رياضة وأكون مبسوطة بيه... مش علقة بعاقب بيها جسمي.
تغذية وأكل صحي... لكن من منظور مختلف تمامًا عن الدايت القاسي والحرمان اللي اتعودنا عليهم.
وصحة نفسية... يعني أتعلم أحب نفسي، أفهمها، وأعرف أعيش حياتي بسعادة أكتر.
عشان كده الحل بالنسبة لي عمره ما كان إننا نصلح حاجة واحدة ونسيب الباقي.
وده بالضبط اللي هنعمله مع بعض في Zambalita Triangle.
Zambalita Triangle يعني إيه
Zambalita Triangle مش برنامج تخسيس.
ومش تحدي شهر نضغط فيه على نفسنا عشان نوصل لرقم معين على الميزان.
هي تجربة متكاملة معمولة للست بعد الأربعين اللي عايزة تهتم بصحتها كلها... مش بوزنها بس.
شهر كامل نخلي فيه الصحة والسعادة هما الهدف... وأي تغيير في الوزن أو شكل الجسم يبقى نتيجة للطريق، مش هو كل الطريق.
الصحة والسعادة مش مكافأة بعد نزول الوزن... هما الطريق للجسم اللي تحبي تشوفي نفسك فيه.
إحنا مش بنبدأ من الميزان.
بنبدأ منك إنتِ.
من صحتك، وطاقتك، ونومك، وحالتك النفسية، وعلاقتك بالأكل والحركة.
وأهمهم علاقتك بنفسك وبجسمك.
وعلى مدار الشهر مش هتكوني لوحدك.
هنعيش مع بعض أضلاع مثلث زمبليطة للصحة والسعادة، خطوة بخطوة، وسط مجموعة ستات شبهك.
أولًا: حركة ممتعة
مش عايزينك تتمرني لأنك أكلتي وعايزة «تحرقي».
ولا عشان تعاقبي جسمك.
ولا عايزينك تستحملي تمرين بتكرهيه عشان تخسي.
إحنا عايزينك تكتشفي نوع الحركة اللي تستني معاده.
في Zambalita Triangle عندك 60 كلاس لايف متنوع في الشهر:
زومبا، رقص شرقي، يوجا، بيلاتس، فيت كوين، وسترتش.
وتمارين مختلفة تناسب مستويات مختلفة.
ومدربات معتمدات دوليًا يساعدوكي ويشجعوكي.
ومعاكي كمان تطبيقنا الخاص Zambalita 30 بتمارين مسجلة على التطبيق، تقدري تعمليها في الوقت اللي يناسبك.
الهدف مش إننا نخليكي تتمرني أكتر...
الهدف إننا نخليكي تحبي تتحركي.
ثانيًا: تغذية صحية من غير حياة كلها دايت
مش هنقولك امنعي كل حاجة بتحبيها.
ومش عايزينك تعيشي شهر في حرمان...
وبعد ما الشهر يخلص ترجعي تاكلي كل اللي كان ممنوع.
بنعلمك إزاي تاكلي أكل جميل تستمتعي بيه، ويكون صحي بيغذي جسمك ويقويه ويديله كل احتياجاته.
بنعلمك إزاي الـCravings أو النهم يقل، والكميات اللي بتشبعك تبقى مناسبة ليكي.
بنعلمك إزاي تحبي الأكل وتستمتعي بيه.
إحنا عايزين نغير علاقتك بالأكل نفسه.
وعشان كده، مع دكتورة التغذية العلاجية، مش هتاخدي مجرد ورقة مكتوب فيها تاكلي إيه ومتاكليش إيه... وتمشي عليها سواء كانت مناسبة ليكي أو لأ.
إحنا عايزينك تفهمي جسمك وتتعلمي تعملي نظامك الغذائي بنفسك.
تفهمي جسمك محتاج إيه، وإزاي تختاري أكلك، وتظبطي كمياتك، وتعملي وجبات صحية من الأكل اللي بتحبيه والمتاح عندك.
هيكون معاكي دكتورة تغذية علاجية تساعدك تعملي خطة مناسبة لجسمك واحتياجاتك وحالتك الصحية، وتتابع معاكي وتعدل حسب تقدمك.
بس الأهم إنها مش هتقولك تعملي إيه وبس... هتعلمك ليه وإزاي.
عشان لما الشهر يخلص، متبقيش محتاجة كل مرة حد يكتبلك ورقة جديدة عشان تعرفي تاكلي صح.
تبقي إنتِ اللي عارفة تختاري وتظبطي أكلك بنفسك، وتكملي بثقة من غير ما تفضلي معتمدة على أخصائية تغذية طول عمرك.
وكمان عندك أكتر من 1800 وصفة صحية و وجبة متنوعة، عشان تكتشفي إن الأكل الصحي ممكن يكون لذيذ ومتنوع وسهل.
عشان الأكل الصحي يبقى جزء من حياتك... مش عقوبة مؤقتة مستنية تخلص.
ثالثًا: صحة نفسية ودعم حقيقي
وده يمكن أهم ضلع في مثلث زمبليطة فيت... وأكتر ضلع إحنا كستات بننساه.
خليني أسألك...
إمتى آخر مرة اهتميتي بنفسك من غير ما تحسي بالذنب؟
إمتى آخر مرة سألتي نفسك: أنا مبسوطة؟ أنا مرتاحة؟ أنا محتاجة إيه؟
إحنا كستات اتعودنا طول عمرنا نهتم بكل اللي حوالينا.
نسمع مشاكلهم... نحلها... نشيل همهم... ونحاول نخلي كل الناس مبسوطة.
بس إحنا فين من كل ده؟
وساعات بنفتكر إننا لو ظبطنا أكلنا ولعبنا رياضة، خلاص كده بنهتم بصحتنا.
لكن بننسى إن جوانا حاجات كتير محتاجة اهتمام هي كمان.
ضغط نفسي بنشيله من سنين...
مشاعر بنكتمها...
وعلاقة بجسمنا يمكن بقالنا سنين بننتقده ونلومه بدل ما نحبه.
وساعات بنلاقي نفسنا بناكل وإحنا مش جعانين... أو بنفقد الحماس لأي حاجة بنعملها لنفسنا، ومش فاهمين ليه.
وعشان كده في زمبليطة تراينجل ، إحنا مش عايزين نهتم بجسمك وننسى الست اللي جواه.
خلال الشهر ده، هنبدأ نبص لجوانا شوية.
نفهم نفسنا أكتر... وعلاقتنا بالأكل وبجسمنا... ونتعلم نتعامل مع ضغوط الحياة بطريقة أرحم بينا.
من خلال ورش العلاج بالفن (Art Therapy)، وجلسات الفضفضة والدعم (Women’s Circles) مع أخصائية نفسية، والتدريبات واللقاءات اللي بنتكلم فيها عن التوتر، وتقدير الذات، والأكل العاطفي، وتغيرات الجسم بعد الأربعين.
وكمان هتكوني وسط مجتمع من ستات شبهك...
ستات تقدري تتكلمي معاهم من غير خوف من الحكم عليكي.
وتكتشفي إنك مش لوحدك في اللي بتمري بيه.
هدفنا إنك تتعلمي تسمعي نفسك... وتفهميها... وتتصالحي مع جسمك بدل ما تفضلي في حرب معاه.
عايزينك تضحكي وتفرحي وتستمتعي بحياتك... مش تفضلي مستنية لما تخسي عشان تسمحي لنفسك تبقي سعيدة.
وأهم حاجة عايزاكي تكتشفيها...
إن الاهتمام بنفسك مش أنانية.
وإن سعادتك مش رفاهية.
وإنك مش لازم تفضلي آخر واحدة في قائمة الناس اللي بتحبيهم.
وكمان... وقت مخصوص ليكي إنتِ
خلال الشهر، هيكون عندك جلسة Wellness Coaching فردية مع مريم مؤسسة زامبليطة فيت و بعد الجلسة Road Map خاص بيكي إنت مكتوب علشان يكون معاكي علي طول.
وقت نتكلم فيه عنك إنتِ... إيه اللي واقف في طريقك، وإيه اللي محتاج يتغير، وإزاي تعملي خطوات بسيطة تقدري تكملي عليها بعد الشهر.
وكمان عندنا 4 ورش خاصة، كل أسبوع ورشة مختلفة مع ضيفة متخصصة:
Art of Breathing
فن التنفس
اكتشفي قوة أنفاسك في تهدئة عقلك وتحرير التوتر من جسدك، وتعلّمي كيف يصبح التنفس الواعي طريقك للسكينة والتوازن الداخلي.
Anti-Aging Face Care
الحفاظ على شباب البشرة ونضارتها
اتعرّفي على احتياجات بشرتكِ ازاي تحافظي غليها مع التقدم في العمر، واكتشفي خطوات بسيطة تحافظ على نضارتها وصحتها.
ZambalitaFit Party
حفلة مثلث زمبليطة
نحتفل بالصحة والسعادة، لما الأكل الصحي والحركة الممتعة وراحة البال يجمعونا في يوم كله بهجة وطاقة وحياة!
Feldenkrais — Awareness Through Movement
الوعي بالحركة (فيلدنكرايس)
اكتشفي إمكانيات جسمك ومدى حركته من خلال حركات بسيطة وواعية، وتعلّمي ازاي تتحركي بحرية وسهولة أكبر، وتكتشفي أبعاد جديدة لقدرات جسمك.
لأننا عايزين نهتم بكل حاجة تخصك... مش بالأكل والحركة بس.
طيب بعد 30 يوم... إيه الوعد؟
مش هقولك:
«هتخسي عدد معين من الكيلوهات.»
ومش هربط نجاح الشهر كله برقم على الميزان.
تخيلي بعد 30 يوم...
تفتحي دولابك وتجربي هدومك... وتلاحظي إنها بقت أريح عليكي.
تطلعي السلم اللي كنتِ بتوقفي في نصه عشان تاخدي نفسك... وتكتشفي إنك بقيتي بتطلعيه بمجهود أقل.
أو تسجدي في الصلاة وتقومي... حركتك بقت أسهل من الأول.
حاجات بسيطة يمكن الناس مش واخدة بالها منها... لكنها بالنسبالك فرق كبير.
والأجمل إن دي مش مجرد أحلام.
إحنا عندنا مشتركات حكولنا إنهم قبل زمبليطة كانوا بيعانوا في السجود والقيام أثناء الصلاة، وبعد شهر من البرنامج بقوا يقدروا بسهولة.
ومشتركات تانيين حكولنا عن الفرق اللي حسوه وهم بيطلعوا السلم.
عشان كده وعدنا ليكي في Zambalita Triangle:
خلال 30 يوم من الالتزام بالبرنامج، هنساعدك تشتغلي على تغيير حقيقي تلاحظيه في جسمك وحياتك اليومية...
سواء في مقاسات هدومك، أو لياقتك، أو قدرتك تعملي حركات كانت بتتعبك قبل كده.
وتبدأي تبني علاقة مع صحتك تقدري تكملي عليها بعد ما الشهر يخلص.
وده مش مجرد كلام
أكتر من 850 سيدة دخلوا مجتمع زمبليطة فيت.
و دي أكتر ملاحظات جاتلنا من أعضاء عيلتنا في زمباليطة فيت، قالوا لنا:
«بقيت مستنية ميعاد الكلاس.»
«نفسيتي وطاقتي اتغيروا.»
بطلت أخاف من الأكل عشان باكل صح
«دي أول مرة أحب الرياضة.»
«نومي اتحسن.»
«بقيت مشغولة بصحتي وسعادتي أكتر من رقم الميزان.»
و كمان ممكن تسمعى بنفسك قالو اية علينا:
وضماننا ليكي؟
لو التزمتي بالبرنامج خلال الـ30 يوم، وملاحظتيش أي تحسن في المقاسات أو اللياقة أو سهولة الحركة، هتاخدي شهر كامل من زمبليطة لايف مجانًا وفقًا لشروط الالتزام والقياس المتفق عليها من البداية.
لأننا مش عايزينك بس تشوفي رقم أقل على الميزان... عايزينك تحسي إن جسمك بقى بيساعدك تعيشي حياتك بسهولة و صحة و سعادة.
المرة الجاية اللي تقفي فيها قدام المراية...
وتحسي إن جسمك اتغير...
أو تلبسي حاجة ومتعجبكيش عليكي...
قبل ما تقولي:
«عادي... دي مشاكل السن.»
افتكري إن بعد الأربعين مش نهاية اهتمامك بجسمك.
يمكن تكون دي بداية اهتمامك الحقيقي بيه.
مش كل حاجة بعد الأربعين اسمها «مشاكل السن».
وزمبليطة لايف مش بتعلمك تبدأي صح بس...
زمبليطة بتخليكي تكملي.
لو حاسة إن الكلام ده بيحكي عنك...
انضمي إلى Zambalita Triangle.
شهر كامل ترجعي فيه تحطي صحتك وسعادتك في مكانهم الصح.
30 سيدة فقط جروب شهر نوفمبر... والسبب مهم
Zambalita Triangle مش عضوية مفتوحة طول الوقت، ومش بنفتح التسجيل كل شهر.
ولما بنفتح مجموعة جديدة، بنستقبل 30 سيدة فقط.
مش عشان نقولك «الأماكن محدودة» وخلاص...
لكن لأننا عايزين نعرف الستات اللي معانا شخصيًا، نتابعهم، ونديهم الدعم والاهتمام اللي يستحقوه.
إنتِ مش رقم في برنامج كبير.
إنتِ واحدة من 30 ست، داخلين الشهر ده مع بعض عشان يبدأوا يحطوا صحتهم وسعادتهم في مكانهم الصح.
ولما الـ30 مكان يكتملوا... التسجيل بيقفل.
وعلشان تشجعي نفسك تبدأي دلوقتي
عملنالك Early Bird بخصم 20% على الاشتراك.
لكن الخصم متاح لمدة 3 أيام فقط من فتح التسجيل.
بعد الـ3 أيام، التسجيل هيكمل بالسعر الأساسي لو لسه فيه أماكن متاحة.
يعني عندك اختيار...
تستني وتقولي «بعدين» زي ما بنعمل كل مرة...
أو المرة دي تختاري نفسك.
الأسئلة الشائعة
© ZambalitaFit · info@zambalita.fit · +971 4 2666 720 · Mirdif, Dubai, UAE